Mit Stockholm hämmer au de höchi Norde scho dörfe bereise. Stockholm isch ganz im schwedische Stil e wunderbari Stadt mit herrliche Möglichkeite zum Ässe und Trinke. Dur das, dass d Schwede eher gross sind, isch au für de Pascal s Shoppe sehr e gfreuti Sache det. Euses Hotel isch Richtig Uferpromenade uusgrichtet gsi und hät e wunderschöni Uussicht bote. In Stockholm hämmer euse vermuetlich speziellsti Apéro gha; inere Iisbar. Alles i dere Bar isch us Iis; d Bartheke, d Tisch und d Stüehl, ja sogar d Gläser für de Drink. Nur dank eme dicke Fällüberwurf haltet mers det us. Schön isch, de Drink isch sicher immer chalt.
